Va Ukrainie adkryŭsia pieršy sumiesny ź niamieckim kancernam cech pa ramoncie braniatechniki
Va Ukrainie pačaŭ pracu pieršy sumiesny cech Ukraabaronprama i niamieckaha kancerna Rheinmetall pa ramoncie braniatechniki. Pra heta paviedamiŭ ministr pa pytańniach stratehičnych halin pramysłovaści Alaksandr Kamyšyn.
11.06.2024 / 08:55
Fota: zalizni_zminy / Telegram
Pavodle jaho słoŭ, pradpryjemstva dazvolić chutčej ramantavać zamiežnuju techniku «i adpaviedna chutčej viartać jaje na pieradavuju».
Akramia taho, u pierśpiektyvie ŭ cechu, jaki adkryŭsia, buduć vyrablacca novyja ŭzory braniatechniki.
Kamyšyn taksama zajaviŭ, što novaje pradpryjemstva padtrymaje ŭkrainskuju ekanomiku: «U cechu pracujuć ukrainskija śpiecyjalisty, pad techničnym nahladam kaleh z Hiermanii. Padatki płaciacca va Ukrainie». Taksama jon adznačyŭ, što ŭkraincy atrymlivajuć novyja technałohii.
U studzieni 2024 hoda niamiecki zbrojevy kancern zajaviŭ, što pabuduje novy zavod pa vytvorčaści bojeprypasaŭ, pradukcyju jakoha buduć atrymlivać USU.
Udzieł u Samicie miru paćvierdzili kala 90 krain i mižnarodnych arhanizacyj