Biełaruskija ŭłady rychtavali raskładku minaŭ «Lepiestok» z polskaha boku miažy — Bajpoł
Bajpoł raskazaŭ viersiju, što staić za zabojstvam polskaha vajskoŭca na biełaruska-polskaj miažy.
11.06.2024 / 11:35
Polski vajskoviec atrymaŭ nažavoje ranieńnie 28 traŭnia padčas spynieńnia sproby hrupy ahresiŭnych mihrantaŭ prarvacca ź biełaruskaha boku
Bajpoł piša, što Maskva zjaŭlajecca pieravałačnaj bazaj mihrantaŭ z Afryki i Azii ŭ krainy Jeŭrasajuza. Mihrantaŭ dzielać na tych, chto pajedzie vajavać va Ukrainu, i tych, chto pajedzie ŭ Biełaruś stvarać mihracyjny kryzis na miažy.
Pavodle byłych siłavikoŭ, u Minsku ŭ rajonie Uručča na bazie vučebnaha centra «Dynama» mihranty prachodziać navučańnie ŭ instruktaraŭ śpiecpadraździaleńnia pahraničnych vojskaŭ Respubliki Biełaruś — Asobnaj słužby aktyŭnych mierapryjemstvaŭ (VČ 1250).
«Mihranty navučajucca vybuchovaj spravie, jak aryjentavacca ŭ lesie, nieprykmietna pierasoŭvacca pa ściežkach, rabić prachody ŭ płocie, karystacca kompasam. Paśla navučańnia mihranty dzielacca na hrupy 10-12 čałaviek i pieravoziacca na miažu z Polščaj u raźmiaščeńnie pamiežnych zastaŭ», — śćviardžaje Bajpoł.
Pavodle byłych siłavikoŭ, 28 maja 2024 hoda śpiecsłužbami Biełarusi na biełaruska-polskim učastku miažy ŭ rajonie vioski Dubičy Carkoŭnyja była zapłanavanaja pravakacyja.
Niekatorym mihrantam razdali nažy i navučyli imi karystacca. Akramia taho, sa składoŭ byli dastaŭlenyja supraćpiachotnyja fuhasnyja miny «Lepiestok» (PFM-1) vytvorčaści SSSR. Charakternaj rysaj dadzienaj miny zjaŭlajecca toje, što jana pry vybuchu praktyčna nie ŭtvaraje zabojnych askiepkaŭ i nanosić paškodžańnie tolki tamu, chto na jaje nastupiŭ.
«Dadzienyja miny ŭ kolkaści kala 30 štuk mihranty pavinny byli raskidać užo na polskaj terytoryi dla taho, kab spravakavać padryŭ kaho-niebudź, kab abvinavacić Polšču ŭ vykarystańni min suprać mihrantaŭ. U biełaruskim hramadstvie zahadzia zapuščany słych, što palaki zaminiravali miažu. Adnak padčas sproby praryvu miažy miny nie ŭdałosia pierapravić na polski bok, adzin ź mihrantaŭ udaryŭ polskaha sałdata 1-j braniatankavaj bryhady Matevuša Sitaka nažom, ad čaho toj paźniej pamior u špitali», — piša Bajpoł.
Bajpoł abiacaje nazvać proźviščy tych supracoŭnikaŭ, chto da hetaha datyčny.
U polskich uładaŭ jość fota zabojcy polskaha pamiežnika, jaki zahinuŭ na biełaruskaj miažy
Zabojstva žaŭniera Polšča nie vybačyć. Łukašenka pravakuje surjozny kanflikt
Polšča zapatrabavała ŭ Biełarusi vydać zabojcu polskaha pamiežnika