Łukašenka znoŭ zahadaŭ pravieści prezidenckija vybary tak, kab kamar nosa nie padtačyŭ
Kampanija pavinna prajści nie paźniej za 20 lipienia 2025 hoda.
11.06.2024 / 13:37
Alaksandr Łukašenka. Fota: Contributor / Getty Images
Alaksandr Łukašenka pryniaŭ z dakładam kiraŭnika CVK Ihara Karpienku.
Jon parazvažaŭ pra nastupnyja vybary, jakija pavinny adbycca nie paźniej za 20 lipienia 2025 hoda. Łukašenka daručyŭ pravieści kampaniju tak, kab kamar nosa nie padtačyŭ, piša BiełTA.
«Vybary pastarajemsia pravieści tak, kab kamar nosa nie padtačyŭ. Nam niama nijakaj nieabchodnaści (jak heta było i ŭ minułyja hady) cisnuć, administracyjny resurs vykarystoŭvać. My sumlenna i prystojna zdolnyja pravieści hetyja vybary», — zajaviŭ palityk. Łukašenka i Karpienka abmierkavali niekatoryja detali ŭ arhanizacyi budučych vybaraŭ, uklučajučy pytańni zaprašeńnia mižnarodnych naziralnikaŭ, pracy z vybarščykami. Palityk paprasiŭ kiraŭnika CVK «nie kryŭdzić ludziej».