Molchat Doma vypuścili novy sinhł «Son» i klip u styli Devida Linča
Samy znakamity biełaruski hurt za miažoj vypuściŭ novy sinhł i klip da jaho. «Son» — pieršy trek z novaha alboma «Biełaja pałasa», reliz jakoha zapłanavany na 6 vieraśnia, piša telehram-kanał «KLIK».
12.06.2024 / 11:51
Režysioram klipa staŭ Brajan M. Fierhiusan — filmmiejkier, jaki pracavaŭ z Garbage, Alice Glass, The Soft Moon, Ladytron i inšymi znakamitymi muzykami.
«Son» ujaŭlaje saboj šaścichvilinnuju karotkamietražku ŭ duchu filmaŭ Devida Linča, dzie vobraznaść važniejšaja za źmiest. Heta pryhožy i mahičny klip, jaki abhulvaje mietafizičny bok čałaviečych snoŭ.
Raniej Molchat Doma abviaścili pra pačatak vialikaha jeŭrapiejskaha tura, jaki pačniecca ŭ siaredzinie kastryčnika i achopić 24 harady ad Niderłandaŭ da Italii.
Samy papularny biełaruski hurt ładzić vialiki jeŭrapiejski tur