Green запускае новую сетку крам
12.06.2024 / 12:33
Новую прадуктовую сетку збіраюцца развіваць у Беларусі. Шыльда «Мясцовае вядомае» ўжо зʼявілася на фасадзе крамы на Грушаўцы, піша Onliner.
Раён Грушаўкі актыўна забудоўваюць дамамі, а вось новыя прадуктовыя крамы там зʼяўляюцца не так часта. Для іх даюць памяшканні на першых паверхах, нядаўна па вуліцы Шчорса, 11 зʼявілася новая шыльда.
Раней там працаваў «Востраў чысціні». Пасля яго закрыцця памяшканне нейкі час пуставала, а цяпер унутры займаюцца ўладкаваннем.
Як стала вядома Onlíner, пад брэндам «Мясцовае вядомае» будуць развіваць новую сетку міні-крам — папярэдне абмяркоўваліся планы па адкрыцці прыкладна 50 пунктаў. Цяпер першыя крамы толькі рыхтуюцца да адкрыцця, але гаворка ішла аб тым, што гэта будзе «новы фармат для краіны». Сетка Green пакуль не раскрывае падрабязнасцяў.