Instytut historyi pravodzić padvodnyja archieałahičnyja daśledavańni na Biarezinie. Šukajuć kład Napaleona
Dapamahajuć archieołaham dajviery.
12.06.2024 / 14:45
Fota: Instytut historyi
Śpiecyjalisty Instytuta historyi NAN pravodziać padvodnyja archieałahičnyja daśledavańni ŭ race Biarezinie.
Dapamahajuć historykam dajviery z centra «Marski piehas». Daśledavańni pravodziać u miescy pierapravy armii Napaleona ŭ listapadzie 1812 hoda kala vioski Studzionka ŭ Barysaŭskim rajonie.
Ekśpiedycyja budzie pracavać da 17 červienia. U Instytucie historyi paviedamlajuć, što ŭžo jość pieršyja znachodki. Adnak padrabiaznaści buduć paźniej.
Bitva na Biarezinie adbyłasia ŭ kancy listapada 1812 hoda ŭ chodzie adstupleńnia francuzskaj armii. Jano zaviaršyłasia praktyčna poŭnym razhromam francuzaŭ. Napaleon straciŭ zabitymi i paranienymi da 50 tysiač sałdat.
Sam impieratar, pry hetym, zdoleŭ vyrvacca z akružeńnia i paźbiehnuć pałonu.