U MZS Armienii skazali, što Pašyniana nie tak zrazumieli
Kiraŭnik MZS Armienii Ararat Mirzajan zajaviŭ, što premjer-ministr Nikoł Pašynian nie kazaŭ, što jahonaja kraina vyjdzie z ADKB. Pavodle słoŭ ministra, Pašynian skazaŭ tolki, što armianskija ŭłady sami vyrašać, kali im vyjści z arhanizacyi.
12.06.2024 / 18:07
Nikoł Pašynian. Fota: Evgenia Novozhenina/Pool Photo via AP
«Pasiadžeńnie zapisvajecca, možna pravieryć, chto što skazaŭ. Premjer-ministr Armienii nie skazaŭ, što my vychodzim z ADKB, premjer-ministr Armienii skazaŭ, što my vyrašym, kali vyjści, ale nazad nie vierniemsia», — skazaŭ Mirzajan.
Na siońniašnim pasiadžeńni Pašynian na prapanovu adnaho z deputataŭ, što Armienija musić pakinuć ADKB, skazaŭ litaralna nastupnaje:
«My vyjdziem, vy mianie hetym pałochajecie? U nas usio dobra, my vyrašym, kali vyjdziem. Jak vy dumajecie, jaki nastupny krok, ci možam my viarnucca nazad? Nie turbujciesia».
U Jerevanie pratestoŭcy raźbili namiotavy łahier pierad parłamientam
U Armienii prypynili viaščańnie rasijskaha Pieršaha kanała