Cichanoŭskaja sustrełasia z daradcam pa nacyjanalnaj biaśpiecy ZŠA
Śviatłana Cichanoŭskaja, jakaja ciapier znachodzicca ŭ ZŠA z pracoŭnym vizitam, 12 červienia praviała ŭ Biełym domie sustreču z daradcam pa nacyjanalnaj biaśpiecy Džejkam Salivanam.
12.06.2024 / 19:09
Padčas razmovy baki abmierkavali nieabchodnaść usiebakovaj padtrymki Biełarusi i Ukrainy. Cichanoŭskaja raskazała pra biełaruskich dobraachvotnikaŭ i vałancioraŭ va Ukrainie i padkreśliła važnaść pieramohi Ukrainy dla pieramienaŭ u Biełarusi.
Pry abmierkavańni pytańnia ŭmacavańnia cisku na režym Łukašenki Cichanoŭskaja adznačyła:
abmiežavańni nie pavinny mieć ščylinaŭ, i musiać być skiravanyja na vyzvaleńnie palitviaźniaŭ, suprać režymu i jaho dapamohi Rasii ŭ vajnie.
Asobna Cichanoŭskaja padkreśliła važnaść vydačy vizaŭ i dapamohi biełaruskaj hramadzianskaj supolnaści za miažoj:
nieabchodna izalavać režym, a nie ludziej, bo biełarusam i biełaruskam treba zastavacca mabilnymi.
Akramia Džejka Salivana, Śviatłana Cichanoŭskaja 12 červienia taksama sustrełasia z eks-śpikierkaj Pałaty pradstaŭnikoŭ ZŠA Nensi Pełosi, a taksama amierykanskimi sienatarami Džyn Šachin, Dzikam Durbinam, Piteram Uełčam.
Padčas hetych sustreč abmiarkoŭvalisia prajekt novaha Aktu ab demakratyi ŭ Biełarusi, kampanija ŭ padtrymku biełaruskich palitviaźniaŭ, pytańni praciahu i pavieličeńnia padtrymki dla niezaležnych miedyj, represavanych, inicyjatyŭ u śfiery kultury, a taksama pravabaarončych i inšych inicyjatyŭ, mierapryjemstvaŭ pa Biełarusi padčas samitu NATA i padtrymki biełarusaŭ u ZŠA.
Cichanoŭskaja znoŭ jedzie ŭ Vašynhton
U parłamiencie Francyi zaklikali pamianiać nazvu Biełarusi pa-francuzsku
Čamu mnohim nie padabajecca Franak Viačorka?