U Dziatłaŭskim rajonie para źbirałasia trucić u chacie hryzunoŭ, a zahinuła sama
U adnoj ź viosak znajšli trupy 61-hadovaha mužčyny i jaho 63-hadovaj žonki biez prykmiet hvałtoŭnaj śmierci. Ekśpierty vyjavili pryčynu śmierci.
13.06.2024 / 10:02
Fota: Dziaržkamitet sudovych ekśpiertyz
Było ŭstanoŭlena, što muž i žonka pamierli ad kambinavanaha atručvańnia miethiemahłabinaŭtvaralnymi jadami. U kryvi zahinułych znojdzieny miethiemahłabin u kancentracyi, jakaja pieravyšaje normu. Atručeńnie im sustrakajecca adnosna redka. Takoha rodu rečyvy šyroka vykarystoŭvajucca ŭ pramysłovaści, piša Dziaržaŭny kamitet sudovych ekśpiertyz.
Vyśvietliłasia, što mužčyna pracavaŭ na sielhaspradpryjemstvie, adkul i prynios dadomu jadachimikat, žadajučy pazbavicca ad hryzunoŭ u svaim domie.
Fota: Dziaržkamitet sudovych ekśpiertyz
Adnak preparat vielmi taksičny, vykarystoŭvać jaho ŭ pobycie kateharyčna zabaroniena, pakolki pry ŭzajemadziejańni z pavietram jon raskładajecca z vyłučeńniem hazu faśfinu, jaki adnosicca da miethiemahłabinaŭtvaralnikaŭ jadaŭ.
U Naračy baćka i syn znajšli na śmietniku butelku z ružovaj vadkaściu — abodva zahinuli
Mahiloviec atruciŭsia nastojkaj z muchamoraŭ, jakuju piŭ dla azdaraŭleńnia