Bajden zhubiŭsia ŭ prastory na samicie G7 VIDEA
Hetymi dniami na poŭdni Italii prachodzić samit Vialikaj siamiorki. Naroŭni ź lidarami Vialikabrytanii, Hiermanii, Italii, Kanady, ZŠA, Francyi i Japonii ŭ im udzielničaje Uładzimir Zialenski.
14.06.2024 / 11:59
Skrynšot videa
U čaćvier krainy G7 pahadzilisia pieradać Ukrainie dadatkovyja kompleksy SPA Patriot, a taksama 50 młrd dalaraŭ ad pracentaŭ pa zamarožanych rasijskich aktyvach. Adnak žurnalisty zvažajuć nie tolki na rašeńni samitu, ale i na pavodziny niekatorych palitykaŭ.
U čaćvier 81-hadovy Džo Bajden razam ź inšymi lidarami naziraŭ šou parašutystaŭ. Prezident ZŠA razhubiŭsia i nie zrazumieŭ, kudy treba hladzieć. Pakul usie palityki sačyli za spartsmienam, jaki pryziamliŭsia, Bajden hladzieŭ i navat pajšoŭ u inšy bok.
Pa ŭsim vidać, jon chacieŭ źviarnucca da kahości. Tady premjer-ministr Italii Džordža Miełoni ŭziała jaho pad ruku i raźviarnuła ŭ patrebnym napramku, piša Bild.