U Biała-Padlascy dva biełarusy źbili palaka. Palicyja śćviardžaje, što biez daj pryčyny
Na minułyja vychadnyja ŭ polskaj Biała-Padlascy dva mužčyny źbili 22-hadovaha chłopca. Pavodle infarmacyi palicyi, mužčyny źbili čałavieka biez daj pryčyny. Jany źbivali jaho rukami i nahami pa ŭsim ciele. U vyniku paciarpieły atrymaŭ cialesnyja paškodžańni i trapiŭ u balnicu.
14.06.2024 / 17:15
Fota: palicyja Biała-Padlaski
Adnaho z napadnikaŭ zatrymaŭ achoŭnik budynka, kala jakoha adbyvałasia źbićcio. Zatrymanym akazaŭsia 35-hadovy biełarus. Jon śćviardžaŭ, što nie maje dačynieńnia da historyi, adnak palicyja ŭstanaviła jahonuju datyčnaść.
Nieŭzabavie zatrymali i druhoha napadnika — 41-hadovaha biełarusa. Abodvum byli vystaŭlenyja abvinavačvańni, u ich kanfiskavali hrošy dla pakryćcia sudovych vydatkaŭ. Da suda mužčyny buduć znachodzicca pad palicejskim nahladam biez prava nabližacca da paciarpiełaha.
Mužčynam pahražaje da 5 hadoŭ turmy.
Stała viadoma imia jašče adnaho biełarusa, jaki pa zadańni HRU rychtavaŭ dyviersii ŭ Polščy
23-hadovaha biełarusa departavali z Polščy ŭ Biełaruś