Praciahvajucca sudy nad zatrymanymi padčas viartańnia z-za miažy
«Viasna» znajšła jašče niekalki vypadkaŭ apošniaha času, kali ludzi viartalisia z-za miažy ŭ Biełaruś i trapili pad pieraśled za toje, što ŭ ich telefonach znajšli zabaronienuju ŭładami infarmacyju.
14.06.2024 / 18:00
U Voranavie 3 traŭnia asudzili baćku niepaŭnahadovaha dziciaci. Padstavaj dla zatrymańnia stała padpiska va «Ukantakcie» na «ekstremisckija supołki». Mužčynu pryznali vinavatym pavodle art. 19.11 KaAP i pryznačyli jamu 1 200 rubloŭ štrafu (30 bazavych vieličyniaŭ).
Taksama ŭ Voranavie 6 traŭnia asudzili i maci dvuch maleńkich dziaciej. Jaje asudzili za «raspaŭsiud ekstremisckich materyjałaŭ» za padpisku ŭ fejsbuku. Žančynie prysudzili štraf pamieram 800 rubloŭ (20 bazavych vieličyniaŭ).
U Ašmianach 3 traŭnia adbyŭsia sud nad mužčynam, u jakoha ŭ telefonie znajšli padpiski na «ekstremisckija kanały». Vynikam staŭ štraf u 1 200 rubloŭ (30 bazavych vieličyniaŭ).
Piensijanierku Halinu Łahackuju pakarali chatniaj chimijaj
«Razumnyja ludzi ŭ takich momantach nie piarečać». Jak byłym asudžanym čytajuć lekcyi ŭ milicyi