Zbornaja Hiermanii razhramiła Šatłandyju ŭ matčy adkryćcia Jeŭra-2024
Vynikovy lik matča, jaki prajšoŭ u Miunchienie, dla šatłandcaŭ zusim nieprystojny — 5:1.
15.06.2024 / 00:16
Fota: AP Photo/Matthias Schrader
Hały za Hiermaniju zabili Fłaryjan Virc, Džamał Musijała, Kai Chavierc, Nikłas Fiulkruh, Emre Čan. Pieršyja dva byli zabityja ŭ pieršyja 20 chvilin matča, a paśla pieršaha tajma lik byŭ 3:0.
Navat adziny svoj miač u adkaz šatłandcy zabili nie sami: u samym kancy druhoha tajma miač adrykašeciŭ ad hałavy niamieckaha abaroncy Antonia Rudyhiera.
Z kanca pieršaha tajma šatłandcy hulali ŭ mienšaści, bo abaronca Brajan Parteus atrymaŭ čyrvonuju kartku za foł va ŭłasnaj štrafnoj. Sudździa pryznačyŭ za heta pienalci, jaki paśpiachova realizavaŭ Chavierc.
15 maja na Jeŭra projduć try matčy. U 16.00 pa biełaruskim časie zhulajuć vienhry i šviejcarcy, u 19.00 pačniecca pajadynak pamiž ispancami i charvatami, a ŭ 22.00 italjancy sustrenucca z ałbancami.
UEFA paćvierdziŭ, što Jeŭra-2024 budzie aficyjna tranślavacca ŭ Biełarusi
Siońnia startuje čempijanat Jeŭropy pa futbole. Chto pieramoža?
Hiermanija ŭviała kantrol na miažy na čas čempijanatu Jeŭropy pa futbole