Likvidujuć fond, jaki vydavaŭ časopis «Dziejasłoŭ»
28 červienia ŭ Minskim haradskim sudzie budzie razhledžany pazoŭ Ministerstva justycyi ab likvidacyi hramadskaha abjadnańnia «Litaraturna-mastacki fond «Nioman», zaŭvažyŭ «Pozirk». Heta vynikaje z raskładu na partale elektronnaha sudavodstva.
15.06.2024 / 20:42
Fota: staronka «Dziejasłova» ŭ fejsbuku
Fond «Nioman» isnuje amal 30 hadoŭ — z 17 červienia 1994 hoda. Na praciahu bolš čym 20 hadoŭ, pačynajučy z 2002-ha, jon kožnyja dva miesiacy vypuskaŭ litaraturna-mastacki časopis «Dziejasłoŭ», u jakim drukavałasia sučasnaja biełaruskaja proza, paezija, eseistyka, krytyka, pierakłady tvoraŭ z roznych moŭ.
Apošni, 127-y numar časopisa vyjšaŭ u śniežni 2023 hoda.
U tym ža sudzie 5 lipienia sudździa Taćciana Daraščonak razhledzić pazoŭ Miniusta z patrabavańniem likvidavać Biełaruski sajuz litaraturna-mastackich krytykaŭ (BSŁMK), jaki isnuje amal 27 hadoŭ. Abjadnańnie zarehistravanaje ŭ budynku, dzie mieścicca Biełaruskaja dziaržaŭnaja akademija mastactvaŭ. U svoj čas sajuz uznačalvaŭ Ryčard Smolski — rektar hetaj VNU ŭ 1997—2010 hadach.
Mnohija členy BSŁMK adnačasova ŭvachodziać u łajalnyja da režymu Alaksandra Łukašenki tvorčyja arhanizacyi.
Pastavili na likvidacyju abjadnańnie sadziejničańnia biełaruska-rasijskaj intehracyi
Ułady źbirajucca likvidavać abjadnańnie tataraŭ, jakoje ŭznačalvaje muftyj Biełarusi
Miniust i Viarchoŭny sud zadumali zakryć abjadnańnie, jakim kiruje Čeračań