U Baranavičach pa «narodnym» artykule znoŭ buduć sudzić adrazu vosiem čałaviek
U čaćvier, 27 červienia, u sudzie Baranavickaha rajona i horada Baranavičy sudździa Hanna Papova budzie razhladać spravu pavodle art. 342 Kryminalnaha kodeksu (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich), piša «Viasna».
16.06.2024 / 11:27
Pa spravie prachodziać adrazu vosiem fihurantaŭ: Mikałaj Łosik, Iryna Čabatar, Anastasija Hračyškina, Uładzimir Dzieŭhuć, Pavieł Miściejka, Česłaŭ Hviazdoŭski, Dźmitry Rutkievič, Mikałaj Dudarevič.
Viadoma, što Mikałaj Łosik byŭ zatrymany padčas «chapuna» ŭ minułym śniežni, a Česłaŭ Hviazdoŭski — viadomy ŭ horadzie viadoŭca śviataŭ i mierapryjemstvaŭ.
Za apošnija try miesiacy vynieśli prysudy pa «narodnym» artykule ŭžo 25 žycharam Baranavičaŭ.
Piensijanierku Halinu Łahackuju pakarali chatniaj chimijaj
Kiraŭnika mahiloŭskaj firmy žorstka zatrymali nibyta za kamientary