Bajden zastyŭ na scenie, jaho za ruku advioŭ Abama VIDEA
Amierykanski prezident ładziŭ u Kalifornii mierapryjemstva ŭ ramkach pieradvybarnaj kampanii, na jakim sponsary vyłučali hrošy dla jaho pieradvybarčaha štaba. Z-za jaho Bajden prapuściŭ mirny samit pa Ukrainie ŭ Šviejcaryi.
17.06.2024 / 08:15
Skrynšot videa
Na videaroliku bačna, što prezident ZŠA paśla zaviaršeńnia mierapryjemstva ŭ Łos-Andželesie, jakoje pravodziłasia dla sponsaraŭ vybarčaj kampanii, vyjšaŭ na scenu dla raźvitańnia.
Amierykanski lidar spačatku padniaŭ pravuju ruku i pamachaŭ prysutnym, zatym jon koratka paapładziravaŭ i zastyŭ na niejki čas na miescy.
Barak Abama, jaki ŭžo išoŭ za kulisy, viarnuŭsia, uziaŭ Džo Bajdena za ruku i advioŭ sa sceny.
Mierapryjemstva z udziełam takich amierykanskich zorak, jak Džordž Kłuni i Džulija Robierts, dazvoliła sabrać dla vybarčaha štaba dziejnaha prezidenta 30 miljonaŭ dalaraŭ.
Čarhovyja prezidenckija vybary zapłanavanyja ŭ ZŠA na 5 listapada. 20 listapada Bajdenu spoŭnicca 82 hady, jaho asnoŭnamu kankurentu Donaldu Trampu 14 červienia spoŭniłasia 78.
Tramp byŭ prezidentam ZŠA sa studzienia 2017 pa studzień 2021 hoda.
Bajden zhubiŭsia ŭ prastory na samicie G7 VIDEA
Stali viadomyja praviły debataŭ Trampa z Bajdenam