Pucin pryznačyŭ namieśnicaj ministra abarony svaju plamieńnicu
Uładzimir Pucin pravioŭ novyja pierastanoŭki ŭ Ministerstvie abarony Rasii. Siarod pryznačanych im novych namieśnikaŭ ministra — Hanna Cyvilova, jakaja, pa infarmacyi ŭrada Vialikabrytanii, źjaŭlajecca stryječnaj plamieńnicaj Pucina.
17.06.2024 / 17:02
Hanna Cyvilova
Pucin vyzvaliŭ ad pasad čatyroch namieśnikaŭ ministra abarony z kamandy byłoha ministra Siarhieja Šajhu: Mikałaja Pankova, Rusłana Calikava, Taćcianu Šaŭcovu i Paŭła Papova.
Novapryznačanaja Hanna Cyvilova na pasadzie namieśnika ministra budzie adkazvać za sacyjalnaje i žyllovaje zabieśpiačeńnie vajskoŭcaŭ, vyvodzić ich na «novy jakasny ŭzrovień».
Akramia Cyvilovaj, novymi namieśnikami ministra abarony Rasii pryznačanyja Leanid Hornin (pieršy namieśnik) i Pavieł Fradkoŭ.
U vypadku karjernaha rostu Paŭła Fradkova taksama možna zaŭvažyć siamiejny pačatak. Jon małodšy syn Michaiła Fradkova, byłoha pucinskaha premjera i eks-kiraŭnika Słužby źniešniaj raźviedki.
Zatrymać namieśnika ministra abarony Rasii «dapamahli» ŭkrainskija śpiecsłužby — HUR