Сярэдні чэк у крамах Беларусі набліжаецца да псіхалагічнай адзнакі
Калі раней беларусы ў сярэднім трацілі за адзін паход у краму крыху больш за 20 рублёў, то цяпер гэта ўжо амаль 25 рублёў.
18.06.2024 / 08:49
Ілюстрацыйнае фота «Наша Ніва»
Рознічны тавараабарот са студзеня па май вырас на 12,2%, калі параўноўваць з такім жа перыядам мінулага года, паведамляе Белстат.
Сума рознічнага абароту за гэтыя месяцы 2024-га склала 34,2 мільярда рублёў. Пры гэтым сярэдні чэк роўны 24,5 рубля, тады як у студзені-маі мінулага года ён складаў 21 рубель.
Па выніках студзеня гэтага года чэк быў таксама адносна невялікі — 21,6 рубля.
Гэта значыць са студзеня сярэдняя сума штодзённых пакупак аднаго жыхара краіны вырасла прыкладна на 13,4%.
Аптовы тавараабарот за пяць месяцаў таксама вырас-на 8,3% да 73,7 мільярда рублёў. Ёсць рост і ў грамадскім харчаванні — плюс 11,8% (сума — 2,3 мільярда рублёў).
Аднак Белстат не прыводзіць сярэднюю суму, якую выдаткоўвае кліент у рэстаране або кавярні за адно наведванне.
Санкцыі супраць Маскоўскай біржы ўдараць па беларускім экспарце
«Забарона на ўвоз прадуктаў выглядае непрыгожа, але дыктуецца банальнымі патрэбамі бяспекі»
Кіраўніца Белкаапсаюза прапануе, каб іншыя гандлёвыя сеткі адлічвалі працэнты «на сельскі гандаль»