Hendalf z «Uładara piarścionkaŭ», 85-hadovy Ian Makkielen zvaliŭsia sa sceny ŭ Łondanie padčas śpiektakla
Akcior byŭ špitalizavany, ale chutka idzie na papraŭku.
18.06.2024 / 15:38
Fota: Scott Garfitt/Invision/AP
85-hadovy brytanski akcior ser Ian Makkielen u paniadziełak uviečary ŭpaŭ sa sceny padčas śpiektakla Player Kings u adnym z centralnych teatraŭ Łondana, piša Bi-bi-si.
Makkielen vykonvaŭ adnu z rolaŭ u śpiektakli pavodle pjesy Uiljama Šekśpira i spatyknuŭsia padčas sceny sutyčki. Jon straciŭ raŭnavahu i ŭpaŭ z vyšyni.
Pa słovach vidavočcaŭ, usio adbyłosia tak chutka, što spačatku hledačy padumali, što heta častka pakazu. Ale akcior zakryčaŭ ad bolu, i tady supracoŭniki teatra kinulisia jamu na dapamohu.
U hladzielnaj zale byli dva daktary, jakija taksama dapamahli seru Ienu, pakul jechała chutkaja dapamoha.
Śpiektakl byŭ spynieny, akciora pavieźli ŭ špital, dzie jon prajšoŭ nieabchodnyja testy i renthien. Pa słovach daktaroŭ, ser Ian pavinien chutka papravicca.
«Jon u dobrym humory», — zajaviŭ u aŭtorak ahient akciora.
Čakajecca, što jon znoŭ vyjdzie na scenu ŭžo ŭ hetuju sieradu.
Pamierła znakamitaja francuzskaja aktrysa Anuk Eme
Vyjšaŭ amierykanski sieryjał, źniaty pa detektyvie ŭnuka vychadcaŭ ź Biełarusi