Za noč u Minskim rajonie aŭtamabilisty źbili dvuch łasioŭ
Adnaho z kiroŭcaŭ špitalizavali.
20.06.2024 / 13:22
Fota: UUS Minabłvykankama
U Minskim rajonie minułaj nočču adbyłosia adrazu dva DTZ z udziełam łasioŭ.
19 červienia ŭ 21.40 25-hadovaja minčanka źbiła dzikuju žyviołu na 16 km trasy «Minsk — Viciebsk». Dziaŭčyna na «Reno» jechała ŭ bok stalicy, raptam pad koły vyskačyŭ łoś. U vyniku DTZ kiroŭcu špitalizavali z traŭmami.
Ranicaj, u 7.55, 58-hadovy minčuk na «Ładzie» źbiŭ łasia na 16 km darohi ŭ Nacyjanalny aeraport u napramku Žodzina. I ŭ hetym vypadku dzikaja žyvioła raptam vyskačyła na darohu i trapiła pad koły. Kiroŭca nie paciarpieŭ.
Pa faktach DTZ pravodzicca pravierka.
Troch łasioŭ i adnaho miadźviedzia źbili mašyny za adnu noč na trasie M1 u adnym rajonie
Na Alascy łasicha zabiła fatohrafa, jaki chacieŭ źniać jaje łasianiat
Vychavanyja łasi sastupili darohu aŭtamabilu pad Homielem
U adnym z haradskich dvaroŭ na Viciebščynie mirna paśvilisia łasi VIDEA