Sierbija pahražaje źniacca ź Jeŭra — usio z-za kryčałki ałbanskich i charvackich fanataŭ «Zabi sierba!»
Sierbskaja fiederacyja futbołu patrabuje pakarać dźvie zbornyja.
20.06.2024 / 14:28
Fota: Markus Schreiber/AP
Zbornaja Sierbii pahražaje źniacca z čempijanatu Jeŭropy pa futbole, kali UEFA nie pakaraje charvataŭ i ałbancaŭ za pavodziny fanataŭ padčas matču hrupavoha etapu.
U druhim tury zbornyja Charvatyi i Ałbanii zhulali ŭničyju — 2:2. Zaŭziatary abiedźviuch kamand u niejki momant hulni abjadnalisia i pačali skandavać «Zabi sierba!».
Sierbskaja futbolnaja asacyjacyja aficyjna źviarnułasia da UEFA z patrabavańniem pryniać miery i pakarać charvataŭ i ałbancaŭ. U advarotnym vypadku zbornaja Sierbii moža admovicca ad udziełu ŭ jeŭra, paviedamlaje mundodeportivo.com.
Akramia taho, sierby vykazali niezadavolenaść pavodzinami kosaŭskaha žurnalista Arminda Sadziku: reparcior, aśviatlajučy matč sierbaŭ suprać anhličan (0:1), zrabiŭ žest ałbanskaha arła ŭ bok sierbskich fanataŭ. Paśla hetaha arhanizatary Jeŭra adchilili žurnalista ad pracy na čempijanacie.
Darečy, Ałbanija i Sierbija ŭžo byli aštrafavanyja na 10 tysiač jeŭra za baniery fanataŭ na matčach Jeŭra.
Siońnia sierby pavinny zhulać sa słaviencami (pačatak a 16.00), 25 červienia ich čakaje sustreča z datčanami (22.00).
Na Jeŭra-2024 ścipłaja Ałbanija zdoleła źvieści matč z Charvatyjaj uničyju VIDEA
Šatłandyja i Šviejcaryja zhaniali bajavuju ničyju VIDEA
Partuhalija vyrvała na apošniaj chvilinie pieramohu ŭ Čechii VIDEA