Ambasadary krain Jeŭrasajuza ŭzhadnili 14-y pakiet sankcyj suprać Rasii. Jany tyčacca nafty i hazu
Ambasadary krain Jeŭrasajuza ŭzhadnili 14-y pakiet sankcyj suprać Maskvy z pryčyny rasijskaha ŭvarvańnia va Ukrainu. Pra heta paviedamiŭ karespandent «Radyjo Svaboda» ŭ Brusieli Rykard Joźviak. Praduhledžvajecca, što abmiežavańni buduć nakładzienyja na rasijski zvadkavany pryrodny haz i transpartavańnie nafty.
20.06.2024 / 16:30
Fota ilustracyjnaje
Pryniaćcie sankcyjnaha pakieta adkładałasia praz pazicyju Hiermanii, jakaja vystupała suprać adkaznaści jeŭrapiejskich kampanij za parušeńnie sankcyj ich daččynymi pradpryjemstvami i partniorami ŭ trecich krainach, paviedamlali raniej ŚMI. U sieradu ŭ hetym pytańni dasiahnuli kampramisu, raskazaŭ Joźviak.
EUobserver sa spasyłkaj na prajekt dakumienta raniej pisaŭ, što novy pakiet sankcyj praduhledžvaje zabaronu na pieravałku rasijskaha zvadkavanaha pryrodnaha hazu i ekspart hieliju, a taksama abmiežavańnie dostupu da technałohij padvojnaha pryznačeńnia.
Novy pakiet budzie pryniaty, jak miarkujecca, padčas samitu ES u Brusieli 27-28 červienia abo pierad im.
Pad novyja sankcyi ZŠA trapili jašče niekalki biełaruskich pradpryjemstvaŭ i fizičnych asob
ES choča zabaranić ekspart u Biełaruś pradukcyi i technałohij padvojnaha pryznačeńnia
Jašče šeść biełaruskich kampanij trapili pad sankcyi ZŠA