Pamior akcior Donald Sazierlend
Znakamity halivudski akcior Donald Sazierlend, łaŭreat premij «Emi» i «Załaty hłobus», pamior va ŭzroście 88 hadoŭ. Pra heta paviedamiŭ jahony syn.
20.06.2024 / 22:22
Donald Sazierlend. Fota: AP Photo/Laurent Cipriani
Viadoma, što Savierlend pamior u Majami paśla praciahłaj chvaroby.
Donald Sazierlend, akcior kanadskaha pachodžańnia, atrymaŭ viadomaść u kancy 1960-ch i pačatku 1970-ch hadoŭ dziakujučy rolam u filmach «Brudny tuzin» i «M*A*S*H».
Ale ŭvohule jahonaja karjera achapiła mnostva prajektaŭ: ad dramatyčnych tryleraŭ, takich jak «Džon Kienedzi» i «Zvarotnaja ciaha», da ramantyčnych kamiedyj — naprykład, filma «Zołata durniaŭ» z Kiejt Chadsan i Mećju Makkonachi ŭ hałoŭnych rolach.
Taksama Sazierlend atrymaŭ šyrokuju viadomaść paśla taho, jak źniaŭsia ŭ sieryi filmaŭ «Hałodnyja hulni».
Usiaho Donald Sazierlend syhraŭ u kino bolš za sto rolaŭ, paśpieŭšy papracavać z kłasikami suśvietnaha kiniematohrafa, u pryvatnaści — ź Biernarda Biertałučy i Fiederyka Fielini.
Donald Sazierlend — łaŭreat premij «Emi» i «Załaty hłobus». U 2018 hodzie jamu ŭručyli «Oskar» za vydatnyja zasłuhi ŭ kiniematohrafie.
Pamior brytanski akcior — zorka «Hulni tronaŭ»
Brytanski akcior Biernard Chił — kapitan «Tytanika» — pamior va ŭzroście 79 hadoŭ
Pamior akcior Alaksandr Šyrvint