БЕЛ Ł РУС

Здароўе

На чорным рынку з'явіўся падроблены Ozempic — вельмі небяспечны для здароўя

21.06.2024 / 20:33

Nashaniva.com

Рэгулярныя ланцужкі паставак падробак папулярнага прэпарату для пахудзення выяўленыя ў Вялікабрытаніі, ЗША і Бразіліі.

Скрыншот відэа ledidiminsk у тыктоку

Сусветная арганізацыя аховы здароўя выпусціла папярэджанне аб фальсіфікаваных прэпаратах, якія ўтрымліваюць семаглутыд. Яны выкарыстоўваюцца для лячэння дыябету 2 тыпу і атлусцення.

Глабальная сістэма нагляду і маніторынгу СААЗ (GSMS) пачала фіксаваць рост колькасці паведамленняў аб фальсіфікаваных прадуктах семаглутыду ва ўсіх рэгіёнах свету пачынаючы з 2022 года. Але толькі цяпер было выпушчана першае афіцыйнае папярэджанне.

Яно тычыцца трох фальсіфікаваных партый прэпарату гандлёвай маркі Ozempic, якія былі выяўленыя ў Бразіліі, ЗША і Вялікабрытаніі ў канцы мінулага года. У апошнюю краіну яны трапілі ад нелегальных пастаўшчыкоў з Аўстрыі і Германіі.

СААЗ рэкамендуе атрымліваць прэпарат толькі праз аўтарытэтныя крыніцы, а не праз незразумелыя сайты ў інтэрнэце ці сацыяльныя сеткі.

Спецыялісты арганізацыі папярэджваюць, што ў некаторых падробках замест семаглутыду могуць утрымлівацца зусім іншыя лекі, напрыклад, інсулін, што можа прывесці на непрадказальных наступстваў.

Чытайце таксама:

Дактары заявілі аб пераацэненасці эфектыўнасці папулярнага прэпарату для пахудзення

«У мяне сваяк — пілот, ён прывозіць». Як у Беларусі прадаюць «Азэмпік», які абяцае фігуру мары 

Як попыт у ЗША на прэпарат для пахудзення прывёў да росту эканомікі Даніі

Каментары да артыкула