Biełaruś vydała Litvie dvuch abvinavačanych, jakich šukaŭ Interpał
MUS Biełarusi zajaviła ab pieradačy Litvie dvuch hramadzian hetaj krainy. Ich šukali pa kanałach Interpała pa abvinavačańniach, źviazanych z narkabiznesam i naniasieńniem cialesnych paškodžańniaŭ.
21.06.2024 / 15:52
«Za niezakonnaje zachoŭvańnie z metaj zbytu bujnych partyj kakainu i kanabisu ŭ mižnarodny vyšuk byŭ abvieščany 20-hadovy mužčyna, a 58-hadovy litoviec — za naŭmysnaje pryčynieńnie nažom ciažkich cialesnych paškodžańniaŭ», — paviedamili ŭ MUS.
Adnaho mužčynu zatrymali ŭ Minsku, druhoha — u Mahilovie.
Hienprakuratura, razhledzieŭšy zapyt Litvy, pryniała rašeńnie ab vydačy abvinavačanych. Ich pieradali litoŭskamu boku na pamiežnym pierachodzie Kamienny Łoh — Miedniki.
MUS Biełarusi abmiarkoŭvała pahrozy biaśpieki ŭ Jeŭropie na kanfierencyi Interpała
Interpał admoviŭsia vydać ordar na aryšt polskaha sudździ Šmita
U Małdovie rasśledujuć spravu ab umiašańni ŭ pracu Interpoła z udziełam «asob ź Biełarusi»