Z-vajenkary śćviardžajuć, što rasijskija vajskoŭcy źbili ŭłasny viertalot
Rasijskaja SPA źbiła nad horadam Anapa viertalot Ka-29 Pavietrana-kaśmičnych sił Rasii. Pra heta amal adnačasova paviedamili rasijski desantnik i Z-błohier Jahor Huzienka («Trynaccaty») i pravajenny telehram-kanał «Infarmatar».
21.06.2024 / 16:12
Viertalot Ka-29, zdymak ilustracyjny. Fota: Wikimedia Commons
«Ka-29 zajmaŭsia pošukam bekaŭ [biezekipažnych kataraŭ], adzin z našych «pancyraŭ» nanios udar pa viertalocie (pavodle papiaredniaj viersii, praź niaspraŭnaść sistemy «svoj-čužy»)», — napisaŭ Huzienka.
Hetuju ž viersiju paviedamili aŭtary «Infarmatara», adnak jany dapuścili, što viertalot moh źbić biezekipažny katar «u viersii SPA». U vyniku incydentu zahinuŭ uvieś ekipaž Ka-29 — čatyry čałavieki.
Žałobny post u pamiać pra zahinułych vykłaŭ kapitan VKS RF Illa Tumanaŭ (Fighterbomber). Na jaho dumku, choć viertalot sapraŭdy źbiła rasijskaja SPA, ale adbyłosia heta z-za novaj taktyki Uzbrojenych sił Ukrainy, jakija zapuskajuć drony pa celach na terytoryi Rasii.
Ukrainskija vajskoŭcy stali vykarystoŭvaść novuju chitraść ź bieśpiłotnikami
Ukrainskija drony atakavali Krasnadarski kraj i Sievastopal
Biełaruś pradstaviła viertalot — «zabojcu» marskich dronaŭ, jaho źbirajucca pradavać Rasii