На Магілёўшчыне затрымалі 19-гадовага педафіла
У міліцыю звярнулася жыхарка аднаго з райцэнтраў Магілёўшчыны і расказала пра дамаганні суседа да яе малалетняй дачкі. Паведамляецца, што яна заспела яго на месцы злачынства.
21.06.2024 / 21:45
Як паведамляецца, 19-гадовы хлопец прыходзіў у дом, каб дапамагчы па гаспадарцы шматдзетнай маці-адзіночцы. У адзін з такіх візітаў жанчына ўвайшла ў пакой і заспела маладога чалавека ў момант здзяйснення злачынства.
Як высветлілася, свае дзеянні хлопец здзяйсняў на працягу паўгода, неаднаразова застаючыся адзін на адзін з сямігадовай дзяўчынкай.
Падазраваны затрыманы, супраць яго завялі крымінальную справу за гвалтоўныя дзеянні сэксуальнага характару ў дачыненні да заведама малалетняй.
Санкцыя артыкула прадугледжвае да 15 гадоў пазбаўлення волі. Па справе прызначаны шэраг экспертыз, высвятляюцца ўсе абставіны злачынства.
«Халасцяк без вышэйшай адукацыі». У Беларусі вызначылі партрэт тыповага педафіла
Асуджанага за педафілію экс-рэжысёра «Ералаша» вызвалілі ад пакарання. Ён ваюе ва Украіне
У Маскве педафіл пад выглядам Улада Бумагі прымусіў дзіця даслаць яму інтымныя фота