KNDR buduje ŭzdoŭž miažy z Paŭdniovaj Karejaj ścianu
BBC Verify praanalizavała spadarožnikavyja zdymki vysokaha razroźnieńnia, zroblenyja ŭzdoŭž siamikiłamietrovaha ŭčastka miažy pamiž krainami i ź ich pierakanaŭsia, što na im z paŭnočnakarejskaha boku budujecca ściana.
21.06.2024 / 22:40
Na malunkach možna bačyć jak minimum try ŭčastki, na jakich byli ŭźviedzieny zaharody pablizu demilitaryzavanaj zony ahulnaj praciahłaściu kala 1 km. Jany raźmieščanyja pablizu ŭschodniaha kanca miažy, ale nie vyklučana, što zaharody ŭzvodzilisia i na inšych učastkach miažy.
Atrymanyja vyjavy śviedčać, što ŭčastki ziamli ŭnutry demilitaryzavanaj zony byli rasčyščanyja: na dumku ekśpiertaŭ, heta moža być parušeńniem daŭniaha pieramirja z Paŭdniovaj Karejaj.
Demilitaryzavanaja zona — heta bufiernaja zona daŭžynioj 240 km i šyrynioj 4 km, jakaja padzialaje Paŭnočnuju i Paŭdniovuju Karei. Jana była stvorana ŭ 1953 hodzie paśla padpisańnia pahadnieńnia ab pieramirji, jakoje zaviaršyła aktyŭnyja bajavyja dziejańni pamiž krainami.
U KNDR Pucinu padaryli jahony partret: afarmleńnie padobnaje da nadmahilnaha
«Kim — adziny toŭsty čałaviek, jakoha ja tam bačyŭ». Biełarus raskazaŭ, jak jon pabyvaŭ u KNDR