Navukoŭcy raspracavali dadatak ź niejrasietkaj, jakaja raspaznaje emocyi ŭ katoŭ i košak
Dakładnaść pracy dadatku aceńvajuć u 95 pracentaŭ.
22.06.2024 / 08:41
Japonskija navukoŭcy prezientavali dadatak ź niejrasietkaj, zdolny raspaznać emocyi bolu ŭ katoŭ. Aŭtary daśledavańnia miarkujuć, što ich raspracoŭka dapamoža vieterynaram u dyjahnostycy zachvorvańniaŭ, piša Reuters.
Nad dadatkam pracavali navukoŭcy pryvatnaha daśledčaha ŭniviersiteta ŭ Japonii i Takijski startap Carelogy. U dadatak ubudavanaja niejrasietka na asnovie mašynnaha navučańnia. Servis, jaki dapamahaje daviedacca, ci adčuvaje hadavaniec bol, navučyli na 6 tysiačach fotazdymkach z emocyjami katoŭ.
Jak paviedamlaje ahienctva, za apošni hod dadatkam skarystalisia bolš za 230 tysiač razoŭ. U vyniku dakładnaść jaho pracy acanili ŭ 95%.
Navukoŭcy adznačajuć, što bolš za 70% katoŭ u starym uzroście pakutujuć na artryt i adčuvajuć bol, ale nie mohuć paviedamić pra heta. Jak vynik, tolki 2% katoŭ atrymlivajuć paŭnavartasnaje lačeńnie.
U Sinhapury paśla 35 hadoŭ zabarony dazvolać trymać katoŭ u kvaterach
Vučonyja raspracavali vakcynu, jakaja dapamoža katam pražyć da 30 hadoŭ
Uzmacniajucca patrabavańni da ŭvozu ŭ Jeŭrasajuz chatnich žyvioł ź Biełarusi
U Salihorsku nieabyjakavyja ludzi vyratavali napałochanaje kaciania FOTAFAKT