Хутка з дарог зьнікнуць інспэктары дарожна-патрульнай службы
Тэхнічнае абсталяваньне айчыннай дзяржаўтаінспэкцыі дазваляе амаль цалкам замяніць людзей спэцсродкамі.
23.08.2006 / 22:36
Тэхнічнае абсталяваньне айчыннай дзяржаўтаінспэкцыі дазваляе амаль цалкам замяніць людзей спэцсродкамі.
Як паведаміў намесьнік міністра ўнутраных спраў Віктар Філістовіч, у краіне цяпер актыўна ўводзяцца сыстэмы відэаназіраньня і дыстанцыйнага кантролю за сытуацыяй на дарогах.
Ужо сёлета ў сталіцы ўсталявалі 10 сыстэмаў назіраньня зь відэафіксацыяй «Арэна». Падобны тэхнічны рыштунак дае магчымасьць цалкам адмовіцца ад чалавечага чыньніка: за дарогай і кіроўцамі сочыць не інспэктар, а сам апарат.