U Pieciarburhu zatrymanyja byłyja mieniedžary miedyjaimpieryi Jaŭhiena Pryhožyna
Zatrymańni adbylisia ŭ hadavinu tak zvanaha Maršu spraviadlivaści Jaŭhiena Pryhožyna na Maskvu, jaki pačaŭsia 23 červienia 2023 hoda.
23.06.2024 / 08:29
Vahnieraŭcy ŭ Rastovie-na-Donie padčas buntu Pryhožyna 24 červienia 2023 hoda. Fota: Arkady Budnitsky / Anadolu Agency via Getty Images
U Pieciarburhu zatrymali byłoha top-mieniedžara miedyjachołdynha «Patryjot» Illu Harbunova i hałoŭnaha redaktara «Kankretna.ru» Kiryła Miacieleva. Im staviać u vinu vymahalnictva srodkaŭ taksama ŭ pryhožynca, siabra Hramadskaj pałaty Alaksandra Malkieviča, piša «Fantanka».
Illa Harbunoŭ da 2014 hoda pracavaŭ karespandentam u redakcyi RIA «Naviny» va Uładzivastoku, paśla pierajšoŭ u «Kamsamolskuju praŭdu» ŭ Pieciarburhu.
Prykładna z 2016 hoda Harbunoŭ pačaŭ supracoŭnictva sa strukturami Pryhožyna, źbirajučy kampramat na apazicyjanieraŭ, i ŭžo da 2019 hoda ŭznačaliŭ miedyjahrupu «Patryjot», a z 2020 — i fabryku trolaŭ.
Miacieleŭ, jak piša «Fantanka», u 1996 hodzie staŭ suzasnavalnikam časopisa pryvatnych achoŭnych pradpryjemstvaŭ «Apieratyŭnaje prykryćcio». Taksama jon pakazany hałoŭnym redaktaram sajta «Kankretna.ru».
Źviartaje ŭvahu, što zatrymańni adbylisia jakraz da hadaviny tak zvanaha Maršu spraviadlivaści Jaŭhiena Pryhožyna na Maskvu, jaki pačaŭsia 23 červienia 2023 hoda.
U Pieciarburhu pastavili pomnik Pryhožynu FOTAFAKT
PVK «Vahnier» viarbuje žycharoŭ Biełarusi dla adpraŭki ŭ Afryku
Adzin z dvajnikoŭ Pryhožyna zahinuŭ va Ukrainie