«Нельга кідаць беларусаў на волю лёсу за жалезнай заслонай». Ціханоўская — пра намер закрыць польскую мяжу
Дэмакратычная лідарка пракаментавала словы кіраўніка польскай дыпламатыі аб магчымым закрыцці пагранпераходаў.
23.06.2024 / 14:15
Святлана Ціханоўская. Фота: ОСТ
Святлана Ціханоўская заявіла, што падтрыманне сувязяў беларусаў з Еўропай мае вырашальнае значэнне.
Дэмакратычная лідарка напісала ў сетцы X аб важнасці забеспячэння мабільнасці для беларусаў.
«Ініцыятывы па абмежаванні прымежнага руху з-за правакацый рэжыму, якія працягваюцца, павінны быць нацэленыя на дыктатара, а не на народ. Мы не можам кідаць беларусаў на волю лёсу за новай жалезнай заслонай», — адзначыла Ціханоўская.
22 чэрвеня міністр замежных спраў Польшчы Радаслаў Сікорскі дапусціў магчымасць закрыцця ўсіх пераходаў на мяжы з Беларуссю з-за абвастрэння крызісу з мігрантамі.
«Фіны закрылі пагранічныя пераходы з Расіяй, і праблемы скончыліся», — адзначыў Сікорскі.
Цяпер на польска-беларускай мяжы дзейнічаюць усяго два пункты пропуску: «Кукурыкі» («Казловічы») для грузавых перавозак, «Тарэспаль» («Брэст») — для легкавых аўтамабіляў і аўтобусаў.
Польшча разглядае магчымасць закрыць рэшту пераходаў на мяжы з Беларуссю
Забойства жаўнера Польшча не выбачыць. Лукашэнка правакуе сур'ёзны канфлікт