Klušku lehiendarnaha chakieista biełaruskaha pachodžańnia pradali za rekordnuju sumu
Klušku lehiendy suśvietnaha chakieja Uejna Hrecki, jakoj jon hulaŭ u finale Kubka Stenli-1988, pradali na aŭkcyjonie Sotheby's za 336 tysiač dołaraŭ.
23.06.2024 / 14:25
Uejn Hrecki. Fota: Wikimedia Commons
Heta rekord siarod usich pradadzienych na aŭkcyjonach klušak u historyi. Papiaredniaje dasiahnieńnie taksama naležała klušcy Hrecki — u 2022 hodzie jaje pradali za 138,6 tysiačy dołaraŭ, paviedamlaje Bleacherreport.
Švedar, u jakim forvard hulaŭ u finale Kubka Stenli-1988, raniej pradali za 1,452 młn dołaraŭ, krahi — za 204 tysiačy. U tym finale «Edmantan», za jaki vystupaŭ Uejn, «usuchuju» abyhraŭ «Bostan» — 4:0.
U vialikaha chakieista jość biełaruskija karani. Jaho dzied, Ciarencij Hrecki, u pačatku XX stahodździa pierabraŭsia z Hrodzienskaj hubierni tady jašče Rasijskaj impieryi ŭ Kanadu.
Uejn uspaminaŭ, što dzied razmaŭlaŭ na biełaruskaj movie. Vałodaŭ biełaruskaj i baćka chakieista.
U 2010 hodzie Hrecki pryjazdžaŭ u Biełaruś, dzie navat sustreŭsia sa svajoj stryječnaj zvodnaj siastroj, jakaja žyvie ŭ Śvisłačy.