Treci kandydat. U Robierta Kienedzi-małodšaha ŭsio bolš šancaŭ uklučycca ŭ prezidenckuju honku ŭ ZŠA
Za Kienedzi-małodšaha hatovy hałasavać amatary teoryj zmoŭ, antyvaksiery, vielmi levyja i vielmi pravyja, a taksama ludzi, jakija havorać ab svaim rasčaravańni palitykaj.
24.06.2024 / 13:33
Robiert Kienedzi — małodšy. AP Photo/Jose Luis Magana, File
Pavodle acenak ekśpiertaŭ, šancy na źjaŭleńnie treciaha kandydata ŭ prezidenckaj honcy ŭ ZŠA pavialičvajucca z-za niepapularnaści dvuch asnoŭnych pretendentaŭ — Bajdena i Trampa. Trecim kandydatam moža stać Robiert F. Kienedzi-małodšy — plamieńnik prezidenta Džona F. Kienedzi i syn byłoha ministra justycyi Robierta F. Kienedzi, piša Bild.
U 14 najbolš važnych nacyjanalnych apytańniach Kienedzi-małodšy nabiraje ad 8% da 17% hałasoŭ. Jaho rejtynh vyšejšy, čym u luboha inšaha treciaha kandydata z taho času, jak techaski miljarder Ros Piero nabraŭ 18,9% u 1992 hodzie ŭ honcy z Džordžam Bušam i Biłam Klintanam i dapamoh Klintanu pieramahčy.
Kienedzi-małodšamu nie chapiła zusim niašmat dla taho, kab patrapić na teledebaty, jakija nieŭzabavie projduć na kanale CNN. Pryčyna ŭ tym, što jon nabraŭ bolš za 15% hałasoŭ tolki ŭ troch apytańniach, a dla ŭdziełu ŭ debatach treba nie mienš za čatyry.
«Bajden i Tramp nie žadajuć pravodzić sa mnoj debaty, a CNN niezakonna pahadziŭsia na ich umovy. Heta nie pa-amierykansku i bajaźliva», — prakamientavaŭ situacyju sam Kienedzi-małodšy.
Tramp rabiŭ supiarečlivyja zajavy nakont svajho mahčymaha kankurenta: u krasaviku jon nazyvaŭ Kienedzi-małodšaha «dobrym chłopcam, jaki moža naškodzić Bajdenu», a ŭ mai — «samym tupym pradstaŭnikom kłana Kienedzi».
Demakraty chutčej niehatyŭna nastrojeny ŭ adnosinach da Kienedzi-małodšaha: niepublična jany taksama havorać pra radykalizm mahčymaha kandydata i adznačajuć, što jaho palityčnyja pieravahi dalokija ad pierakanańniaŭ jaho baćki.
Jak pakazvajuć apytańni, za Kienedzi-małodšaha hatovyja hałasavać amatary teoryj zmoŭ, admoŭniki karanavirusa, vielmi levyja i vielmi pravyja, a taksama ludzi, jakija havorać ab svaim rasčaravańni ad palityki.
Sam Kienedzi-małodšy, u pryvatnaści, nazyvaŭ Covid-19 hienna-inžyniernaj bijazbrojaj i paraŭnoŭvaŭ miery pa baraćbie z karanavirusam z nacysckimi paradkam.
Stali viadomyja praviły debataŭ Trampa z Bajdenam
Donald Tramp apublikavaŭ pieršaje videa ŭ tyktoku
Zialenski miarkuje, što Tramp moža stać «prezidentam-łuzieram»
«Vinavaty pa ŭsich punktach». Prysiažnyja vynieśli vierdykt pa histaryčnaj spravie suprać Trampa