Italija zdoleła na apošniaj chvilinie vyrvać ničyju ŭ Charvatyi VIDEA
Siońnia zaviaršylisia matčy ŭ hrupie V.
25.06.2024 / 00:03
Fota: Petr David Josek / AP
Ispanija, što zahadzia harantavała sabie pieršaje miesca, minimalna vyjhrała ŭ Ałbanii — 1:0.
Drama razyhrałasia ŭ matčy Charvatyja — Italija. Charvatam, kab vyjści ŭ 1/8 finału, treba było pieramahać.
Na 54-j chvilinie kapitan kamandy Łuka Modryč nie zabiŭ pienalci (Donaruma adbiŭ udar), ale praz chvilinu padčas nastupnaj ataki reabilitavaŭsia, zabiŭšy miač u varoty.
Charvaty paśla zabitaha miača nie adyjšli da svajoj štrafnoj, a praciahvali atakavać. Ale na apošniaj chvilinie atrymali miač u svaje varoty (Dzakani) — 1:1.
Ispanija — 9, Italija — 4, Charvatyja — 2, Ałbanija — 1.
Ispanija i Italija vyjšli ŭ 1/8 finału, a Charvatyja budzie čakać vynikaŭ u inšych hrupach, ale šancaŭ na vychad u płej-of mała.
Italija ŭ 1/8 finału ŭ subotu a 19:00 zhulaje sa Šviejcaryjaj, a Ispanija ŭ niadzielu a 22-j hadzinie — z adnoj z kamandaŭ, što zojmuć 3-je miesca.
Padčas hulni Šatłandyja — Vienhryja na Jeŭra zdaryłasia žudasnaja traŭma
Trenier Vienhryi pra traŭmu Varhi: U jaho pierałom kostki tvaru. Jon bolš nie zhulaje na Jeŭra
Mbape voźmie ŭdzieł u matčy z Polščaj