Pamior muzyka Šyfci Šełšok, aŭtar pieśni Butterfly
Amierykanski muzyka Set Binzer, bolš viadomy pad psieŭdanimam Šyfci Šełšok, pamior va ŭzroście 49 hadoŭ. Na sajcie miedycynskich ekśpiertaŭ Łos-Andželesa paviedamlajecca, što śmierć nastupiła 24 červienia.
25.06.2024 / 16:25
Binzer — frantmen i adzin z zasnavalnikaŭ rep-rok-hurta Crazy Town. Jon stvaryŭ jaho razam z Bretam Mazuram u Kalifornii ŭ 1999 hodzie.
Crazy Town atrymała šyrokuju viadomaść paśla vychadu pieśni Butterfly u 2001 hodzie. Kampazicyja ŭznačaliła amierykanski chit-parad Billboard Hot 100, a taksama čarty ŭ niekatorych inšych krainach. Binzer — adzin z kampazitaraŭ i aŭtaraŭ słoŭ hetaj pieśni.
Adnak ža nastupny albom hurta, vypuščany ŭ 2002 hodzie pad nazvaj Dark horse, pravaliŭsia. Paśla taho hurt raspaŭsia, a ŭ 2007-m abviaściŭ pra ŭźjadnańnie, paśla čaho hastralavaŭ, dajučy nievialikija kancerty.
Treci i apošni albom The Brimstone Sluggers vyjšaŭ ŭ 2015-m, ale asablivaha pośpiechu nie mieŭ.
Viadoma, što Set Binzer šmat hadoŭ zmahaŭsia z narkazaležnaściu.
Pamior akcior Donald Sazierlend
Va ŭzroście 101 hoda pamierła maci Piele
Pamierła znakamitaja francuzskaja aktrysa Anuk Eme