У Беларусь прыляцелі 11 расійскіх знішчальнікаў
Паводле інфармацыі маніторынгавай групы «Беларускі Гаюн», 25 чэрвеня паміж 18-й і 19-й гадзінамі з аэрадрома «Кубінка» пад Масквой на аэрадром «Баранавічы» прыляцелі 11 знішчальнікаў МіГ-29 і Су-35 Вайскова-касмічных сіл Расіі.
25.06.2024 / 19:30
Самалёты ўваходзяць у склад пілатажных груп ВКС РФ «Віцязі» (Су-35) і «Стрыжы» (МіГ-29). 3 ліпеня яны будуць браць удзел у вайсковым парадзе ў Мінску.
Такім чынам, як падсумоўвае «Беларускі Гаюн», актуальны стан расійскай авіяцыйнай групоўкі у Беларусі выглядае наступным чынам:
- аэрадром «Ліда» — 1 штурмавік Су-25;
- аэрадром «Баранавічы» — 15 знішчальнікаў (5 МіГ-29, 6 Су-35 і 4 Су-30СМ);
- аэрадром «Мачулішчы» — 11 верталётаў (5 Мі-28, 5 Ка-52 і 1 Мі-26).
У Беларусь прыляцелі 8 расійскіх вайсковых верталётаў
Беларускі Гаюн ацаніў, колькі ў Беларусі засталося вагнераўцаў
Расійскія вайсковыя самалёты лётаюць у Беларусь усё менш