Hledačam zabaranili pranosić łukašenkaŭskija ściahi na matčy Uimbłdonskaha turniru
Dziaržaŭnyja čyrvona-zialonyja ściahi Biełarusi razam z rasijskimi zabaranili pranosić na Uimbłdonski tenisny turnir, paviedamili arhanizatary spabornictvaŭ.
25.06.2024 / 20:03
Fota: Oleg Gapeenko / vecteezy.com
«Ściahi Rasii i Biełarusi zabaroniena pranosić na turnir. Haściam, jakija pasprabujuć pranieści ściahi, daduć mahčymaść pakinuć ich u kamiery zachoŭvańnia abo zdać kala bramy», — paviedamili arhanizatary.
Uimbłdon — druhi ŭ siezonie turnir Vialikaha šlema, jaki prachodzić na travianych kortach u pryharadzie Łondana z 1 pa 14 lipienia. Z 2023 hoda biełaruskija i rasijskija tenisisty majuć prava vystupać na im tolki pry ŭmovie padpisańnia dekłaracyi ab niejtralitecie, a ŭ 2022-m ich uvohule na jaho nie dapuścili.
Sioleta Biełaruś na Uimbłdonie buduć pradstaŭlać Viktoryja Azaranka, Aryna Sabalenka, Iryna Šymanovič, Alaksandra Sasnovič i Ilja Ivaška. Pryzavy fond spabornictvaŭ składzie rekordnyja 50 miljonaŭ funtaŭ sterlinhaŭ.
Na «Biełaruś-1» nazvali rašeńnie Sabalenki nie ŭdzielničać u Alimpijadzie niedalnabačnym
Čamu Aryna Sabalenka admoviłasia vystupić na Alimpijadzie ŭ Paryžy?
Sabalenka aficyjna pierastała być druhoj rakietkaj śvietu