Łaŭroŭ zapeŭniŭ Łukašenku, što pytańnie jahonaha dałučeńnia da ŠAS užo vyrašana
Ministr zamiežnych spraŭ Rasii Siarhiej Łaŭroŭ na sustrečy z Łukašenkam u Minsku zapeŭniŭ, što z pytańniem nabyćcia Biełaruśsiu paŭnapraŭnaha siabroŭstva ŭ Šanchajskaj arhanizacyi supracoŭnictva ŭžo usio vyrašana.
25.06.2024 / 20:22
Łukašenka na samicie ŠAS u Dušanbe ŭ vieraśni 2021 hoda
«Usie ŭžo damoŭlenaści zamacavanyja. Samym pieršym aktam samitu ŭ Astanie budzie aficyjnaje pryniaćcie Biełarusi ŭ paŭnapraŭnyja členy ŠAS. I ŭvieś astatni samit Biełaruś budzie ŭdzielničać naroŭni z usimi astatnimi členami», — zajaviŭ Łaŭroŭ.
Krainami-siabroŭkami stvoranaj u 2021 hodzie Šanchajskaj arhanizacyi supracoŭnictva na hety momant, akramia Rasii, źjaŭlajucca Kitaj, Indyja, Iran, Pakistan, Kazachstan, Kyrhyzstan, Uźbiekistan i Tadžykistan. Biełaruś u hetaj arhanizacyi z 2010 hoda mieła status partniora pa dyjałohu, a ŭ 2015-ha stała krainaj-naziralnicaj. Zajaŭka na paŭnavartasnaje siabroŭstva była padadzienaja Łukašenkam u 2022 hodzie, i jon raźličvaŭ, što jaho prymuć užo ŭ nastupnym hodzie. Ale ŭ 2023-m hetaje pytańnie vyrašana nie było.
Čarhovy samit ŠAS u stalicy Kazachstana Astanie maje adbycca 3-4 lipienia.
Łaŭroŭ: Rasija nie budzie spyniać vajnu va Ukrainie na čas pieramovaŭ ab miry
Paśla kansultacyj z Łaŭrovym Alejnik prakamientavaŭ mahčymaje zakryćcio pierachodaŭ z Polščaj
Łaŭroŭ u Minsku raskazaŭ, čym budzie napad NATA na Biełaruś
U Minsk prylacieŭ Siarhiej Łaŭroŭ