Novym hienieralnym sakratarom Rady Jeŭropy abrali byłoha prezidenta Šviejcaryi
Hienieralnym sakratarom Rady Jeŭropy ŭ nastupnyja 5 hadoŭ budzie były prezident Šviejcarskaj Kanfiederacyi Alen Biersie. U druhim tury hałasavańnia na letniaj siesii Parłamienckaj asamblei Rady Jeŭropy ŭ Strasburhu za jaho addali 114 hałasoŭ.
25.06.2024 / 21:35
Alen Bierse. Fota: Wikimedia Commons
Estonski kandydat Indrek Saar nabraŭ 85 hałasoŭ, bielhijec Dzidźje Rejnders — 46.
Raniej hetuju pasadu 5 hadoŭ zajmała pradstaŭnica Charvatyi Maryja Piejčynavič-Buryč.
Alen Bierse zajmaŭ pasadu prezidenta Šviejcaryi ŭ 2018 i 2023 hadach. U hetaj krainie prezidenta abirajuć ź liku členaŭ Fiederalnaj rady, kalektyŭnaha kiraŭnictva Šviejcaryi, jakoje składajecca ź siami čałaviek. Navat farmalna prezident tam nie źjaŭlajecca kiraŭnikom dziaržavy, jon tolki pieršy siarod roŭnych. Členam Fiederalnaj rady Bierse byŭ z 2012 pa 2023 hady.
Prezident Šviejcaryi pakinuŭ pasadu, zapisaŭšy na raźvitańnie śmiešnaje VIDEA
Prezident Šviejcaryi ŭziaŭ udzieł u technaparadzie
Premjer-ministr Niderłandaŭ, najvierahodniej, stanie novym kiraŭnikom NATA