U Minsku maładoha lejtenanta sudziać za «raspusnyja dziejańni» ŭ adnosinach padletka
Raskazvajem, što takoje «raspusnyja dziejańni» i jakaja adkaznaść praduhledžanaja za ich.
27.06.2024 / 07:00
Jahor Bryčkoŭski padčas spabornictvaŭ. Fota STB
Chłopca, jakoha sudziać, kličuć Jahor Bryčkoŭski. Jamu 23 hady, rodam jon z Baranavičaŭ. Viadoma, što raniej jon zajmaŭsia samba i navat byŭ u nacyjanalnaj zbornaj Biełarusi.
Paśla skančeńnia ŭniviersiteta pajšoŭ pracavać učastkovym inśpiektaram pa spravach niepaŭnahadovych, mieŭ zvańnie lejtenanta. Miesca pracy — aporny punkt milicyi №310 u Minsku na Paŭdniovym Zachadzie. Ale karjera nie zadałasia.
Mužčynu pačynajuć sudzić 28 červienia ŭ zakrytym režymie. Artykuły nieadnaznačnyja — «raspusnyja dziejańni ŭ adnosinach da asoby, jakaja nie dasiahnuła 16-hodździa, ździejnienyja z užyvańniem hvałtu, abo ŭ dačynieńni da małaletniaha, abo asobaj, na jakuju ŭskładzienyja abaviazki pa hadavańni niepaŭnahadovaha» (č. 2 art. 169 KK) i «pieravyšeńnie ŭłady abo słužbovych paŭnamoctvaŭ, ździejnienyja z asabistaj zacikaŭlenaści» (č. 2 art. 426 KK).
Jahor Bryčkoŭski. Fota z sajta adnoj ź minskich škołaŭ
Što ž takoje «raspusnyja dziejańni»? Zhodna z kamientarom Viarchoŭnaha suda, heta «niehvałtoŭnaje ŭździejańnie na asobu, jakaja nie dasiahnuła šasnaccacihodździa, nakiravanaje na ŭzbudžeńnie ŭ jaho cikavaści da seksu, pałavoj ciahi».
Na praktycy heta moža być usio što zaŭhodna, akramia seksu. Naprykład, masturbacyja pry niepaŭnahadovym abo dakranańnie da jaho intymnych miescaŭ biez pałavoha kantaktu, abo zanadta ahresiŭnaje zalacańnie z prapanovami seksu ŭ miesiendžarach ci sacsietkach.
Pavodziny padletka (ci dziciaci) pry hetym nie ŭličvajecca. Maje na ŭvazie, što kali padletak sam «pravakuje» na takija dziejańni ci prosta nie suprać, to darosły ŭsio roŭna budzie abvinavačany.
Tamu zusim niezrazumieła, što adbyłosia. U lubym vypadku milicyjanieru pahražaje ad 3 da 6 hadoŭ turmy sa štrafam i pazbaŭleńniem prava zajmacca peŭnaj dziejnaściu.
Hetaja publikacyja zroblenaja z dapamohaj Digital Intelligence Team. Heta OSINT-prajekt, jaki supracoŭničaje z Kibierpartyzanami i inšymi prademakratyčnymi strukturami dy prajektami, jakija padzialajuć demakratyčnyja kaštoŭnaści.
U Maskvie piedafił pad vyhladam Ułada Bumahi prymusiŭ dzicia dasłać jamu intymnyja fota
Čamu ŭ Biełarusi stali vykryvać bolš piedafiłaŭ? Adkazvaje śledčy