IP chočuć zabaranić zajmacca luboj adukacyjnaj dziejnaściu
Na Nacyjanalnym pravavy partale apublikavany prajekt źmienaŭ u zakony ab adukacyi. Zakonaprajekt praduhledžvaje šerah abmiežavańniaŭ dla indyvidualnych pradprymalnikaŭ.
27.06.2024 / 09:08
Ilustracyjny zdymak. Fota: «Naša Niva»
Na biahučy momant IP z adpaviednaj licenzijaj mohuć pracavać u śfiery daškolnaj adukacyi. Novym zakonam hetu mahčymaść chočuć prybrać. Kali źmieny prymuć, pradprymalniki ź licenzijaj zmohuć praciahnuć pracu tolki da 31 žniŭnia 2025 hoda.
Paśla, kab zajmacca hetaj dziejnaściu, im daviadziecca trasfarmavacca ŭ jurydyčnuju asobu. Inakš treba spynić dziejnaść.
Indyvidualnyja pradprymalniki bieź licenzii pakul mohuć akazvać adukacyjnyja pasłuhi dla darosłych — ładzić kursy, sieminary i h.d. Kali prapanavanyja źmieny ŭ zakon uchvalać, takim IP daviadziecca zakryć svaju dziejnaść, bo pierachodnaha pieryjadu dla ich nie praduhledžvajecca.
Całkam aznajomicca z zakonaprajektam ab źmianieńni zakonaŭ ab adukacyi možna pa spasyłcy.
Łukašenka padpisaŭ zakon pa pytańniach pradprymalnickaj dziejnaści. Što čakaje IP?