Bieśpiłotniki atakavali Redkinski chimičny zavod u Ćviarskoj vobłaści Rasii
Tam vyrablajuć paliva dla samalotaŭ.
27.06.2024 / 09:38
Bieśpiłotniki atakavali «Redkinski vopytny zavod» u Ćviarskoj vobłaści. Pa danych «Bazy», pieršy raz zavod byŭ atakavany kala dvuch hadzin nočy. Pa terytoryi pradpryjemstva byŭ naniesieny ŭdar tryma bieśpiłotnikami.
Sa słoŭ krynicy vydańnia, adzin z dronaŭ upaŭ na dach cecha №4, paśla čaho vybuchnuŭ. Druhi bieśpiłotnik byŭ źbity siłami SPA, paśla čaho taksama ŭpaŭ niedaloka ad cecha. Praź niekalki chvilin jon vybuchnuŭ.
Treci ž dron pasprabavaŭ atakavać terytoryju pradpryjemstva lohkaŭzharalnych vadkaściaŭ. U vyniku ataki byŭ paškodžany trubapravod i pačaŭsia pažar.
Praź dźvie hadziny terytoryju zavoda atakavaŭ jašče adzin bieśpiłotnik. Jon taksama ŭpaŭ u rajonie cecha №4.
Rasijskaje Minabarony zajaviła ab źbićci BPŁA.
Na zavodzie vyrablajuć paliva dla samalotaŭ. Heta adno z najbujniejšych chimičnych vytvorčaściaŭ Ćviarskoj vobłaści, vypuskaje bolš za 40 najmieńniaŭ pradukcyi roznaha pryznačeńnia.
Žachlivyja FOTA z Časavaha Jaru. Tak vyhladaje hety horad, za jaki ciapier iduć bai
Kolki razoŭ i dzie byvali na froncie Uładzimir Zialenski i Uładzimir Pucin
Piaskoŭ prakamientavaŭ ordary MKS na aryšt Šajhu i Hierasimava