Turfirmy sioleta prapanujuć aŭtobusnyja tury ŭ Hruziju
U hetym hodzie Hruzija znoŭ źjaŭlajecca chitom biudžetnaha adpačynku na mory.
27.06.2024 / 12:16
Batumi. Fota: Naša Niva
Havorka idzie pra aŭtobusnyja tury ŭ Hruziju, jakija vielmi ceniać biełaruskija turysty — za prymalnyja ceny i haračuju hruzinskuju haścinnaść, jakoj litaralna achinajuć darahich haściej haspadary niedarahich hatelaŭ u Kabuleci i Batumi, piša toursoyuz.by.
Tury hetyja pryciahvajuć našych turystaŭ, niahledziačy na praciahłuju darohu. 14-16-dzionny tur, uklučaje 8 abo 10 načej adpačynku na mory, astatni čas zajmajuć ekskursii i daroha.
Pieršy načleh prachodzić, jak praviła, u Varoniežy, dalej turystaŭ čakaje niezvyčajna pryhožaja Vajenna-Hruzinskaja daroha z prypynkami na fotasiesii, i prybyćcio ŭ Tbilisi, dzie turysty taksama načujuć i pravodziać dzień na ekskursijach pa horadzie.
Zatym — tranśfier u Kabuleci abo Batumi.
Aŭtobusy adpraŭlajucca ź Minska, a taksama z abłasnych, a taksama mnohich rajonnych biełaruskich haradoŭ. Siaredniaja cana na takija tury vahajecca ad 340 da 450 dalaraŭ na čałavieka.
Jość tury daražej z poŭnym pansijonam — taki tur moža kaštavać i da 600 dalaraŭ.
Ale taksama možna znajści tury ad 280 dalaraŭ na čałavieka za tuju ž 14-dzionnuju pajezdku z 8-dzionnym adpačynkam na plažy Kabuleci, praŭda, u hety košt nie ŭklučany ekskursijnyja pakiety, za jakija ŭsio roŭna pryjdziecca zapłacić pa maršrucie.
Siezon aktyŭnaha kursiravańnia biełaruskich aŭtobusnych łancužkoŭ na čarnamorskaje ŭźbiarežža Hruzii tolki pačynajecca — kaniec červienia ličycca nieaficyjnym adkryćciom siezonu, pakolki tempieratura mora dasiahaje kamfortnych tempieratur dla siamiejnaha adpačynku ź dziećmi.
Tańniej aŭtobusnych hruzinskich plažnych turaŭ na mory ź Biełarusi tolki aŭtobusnyja tury na kurorty Krasnadarskaha kraju. Tury ŭ Viciazieva, Hielendžyk, Anapu abo Kabardzinku možna znajści pa canie ad 240 dalaraŭ na čałavieka z prajezdam i raźmiaščeńniem za 10 načej adpačynku.
U Biełarusi znoŭ źjavilisia aŭtobusnyja tury ŭ Bałharyju
«Biełavija» zapuściła čarhovy čartar u Jehipiet, adnak hetym razam na Mižziemnaje mora