Heta kraina ES uvodzić z nastupnaha tydnia šaścidzionny pracoŭny tydzień
Kamu heta vyhadna?
27.06.2024 / 12:28
Iraklijon, Kryt. Fota: happylove.top
U Hrecyi z 1 lipienia mnohija rabotniki, zaniatyja ŭ pramysłovaści, roźničnym handli, sielskaj haspadarcy i ŭ śfiery niekatorych vidaŭ pasłuh, pavinny buduć pracavać šeść dzion u tydzień, kali tak vyrašyć ich pracadaŭca. Za šosty dzień im budzie vypłačvacca nadbaŭka ŭ pamiery 40% dzionnaha zarobku, piša Deutsche Welle
Na turyzm i śfieru hramadskaha charčavańnia hetaje praviła nie raspaŭsiudžvajecca — tam piacidzionny pracoŭny tydzień pajšoŭ u minułaje jašče ŭ 2023 hodzie.
Na dumku ŭładaŭ, novy zakon ab šaścidzioncy sprościć kiravańnie ŭ kampanijach, skarocić da šaści miesiacaŭ vyprabavalny termin dla pryniatych na pracu i zrobić bolš prazrystymi zvyšuročnyja.
Jašče da ŭstupleńnia ŭ siłu zakona ab šaścidzionnym pracoŭnym tydni hreki stali samymi vialikimi pracaholikami ŭ Jeŭropie.
Pracujučy ŭ siarednim 41 hadzinu ŭ tydzień, jany pieraŭzychodziać pa hetym pakazčyku hramadzian usich astatnich krain — členaŭ ES, majučy pry hetym, pavodle danych Jeŭrastata, davoli nizkija dachody.