Eks-premjer Hruzii paabiacaŭ zbornaj bolš za $10 miljonaŭ u vypadku pieramohi nad Ispanijaj
Napiaredadni hruziny tryumfalna pieramahli partuhalcaŭ (2:0) i vyjšli ŭ płej-of.
27.06.2024 / 14:40
Fota: Martin Meissner / AP
Hruzinski aliharch, były premjer-ministr Bidzina Ivanišvili paabiacaŭ zbornaj Hruzii vypłacić bolš za 10 miljonaŭ dalaraŭ u vypadku vychadu kamandy ŭ čverćfinał čempijanatu Jeŭropy pa futbole, piša football.by.
U 1/8 finału kamanda sustreniecca sa zbornaj Ispanii. Napiaredadni hruziny, što ŭpieršyniu prabilisia na Jeŭra, tryumfalna pieramahli partuhalcaŭ (2:0) i vyjšli ŭ płej-of.
— Pa inicyjatyvie Bidziny Ivanišvili ŭ vypadku pieramohi ŭ 1/8 finału, u sustrečy ź Ispanijaj i vychadu ŭ nastupny etap Zbornaja Hruzii atrymaje ŭ jakaści ŭznaharody dadatkova 30 miljonaŭ łary (10,6 miljona dalaraŭ).
Ivanišvili padziakavaŭ kožnamu hulcu futbolnaj kamandy, trenierskamu štabu i hruzinskim zaŭziataram za hetuju «histaryčnuju pieramohu mary».
Matč 1/8 finału Hruzija — Ispanija projdzie ŭ niadzielu, 30 červienia, i pačniecca a 19-j pa minskim časie. Što praŭda, bukmiekiery z usich vaśmi par nazyvajuć šancy kamandy Kvaracchielija-Mikaŭtadze-Mikaŭtadze-Sańjola samymi iluzornymi. Kaeficyjent na pieramohu Hruzii — 13,0 (na Słavakiju ŭ matčy z Anhlijaj, — 9,0).
Pieramožca pary Hruzija — Ispanija ŭ 1/4 finału zhulaje ź pieramožcam pary Hiermanija — Danija.
U adbory da Jeŭra-2024 Hruzija i Ispanija hulali ŭ adnoj hrupie. U Tbilisi hruzinaŭ razhramili ź likam 1:7, u Valjadalidzie Hruzija prajhrała 1:3.
Hruzija prabiłasia ŭ 1/8 finału. I heta samaja hałoŭnaja siensacyja Jeŭra-2024 VIDEA
Hruzija — Ispanija, Francyja — Bielhija — usie pary 1/8 finału
Nočču Hruzija śviatkavała histaryčny vychad zbornaj u płej-of Jeŭra VIDEA
Zaŭziatar desantavaŭsia na Kryšcijanu Ranałdu padčas matču z Hruzijaj VIDEA