Грошы на мадэрнізацыю «Гродна Азота» дасць Расія
Гендырэктар ААТ «Гродна Азот» Ігар Ляшэнка і першы намеснік старшыні праўлення банка БелВЭБ падпісалі дакумент аб фінансаванні мадэрнізацыі прадпрыемства, паведамілі ў банку.
27.06.2024 / 18:57
«Гродна Азот». Фота: delo.by
Аднак жа БелВЭБ будзе фінансаваць мадэрнізацыю не са сваіх грошай:
«Фінансаванне ажыццяўляе [расійская дзяржкарпарацыя] ВЭБ.РФ. Банк «БелВЭБ» выконвае функцыі банка-агента: адпаведнае пагадненне было падпісанае падчас XI Форуму рэгіёнаў Беларусі і Расіі», — растлумачылі ў гэтай установе.
Ліміт крэдытнай лініі — 4,3 мільярда расійскіх рублёў (каля 158 мільёнаў у беларускіх), а тэрмін крэдытавання — 11 гадоў.
«Дакументам таксама прадугледжаная магчымасць выкарыстання субсідыі з бюджэту Расійскай Федэрацыі для забеспячэння льготнай працэнтнай стаўкі», — адзначылі ў БелВЭБ.
У цяперашняй мадэрнізацыі гаворка ідзе як пра абнаўленне дзейных вытворчасцяў, так і пра стварэнне новых. Рэалізацыю праекта выканае расійская кампанія.
Сім-карты толькі ад МТС і ніякага мабільнага інтэрнэту. На «Гродна Азоце» забараняюць смартфоны
«На прадпрыемстве паніка». «Кіберпартызаны» заявілі пра новую атаку на «Гродна Азот»
«Учора быў шухер». Што адбываецца на «Гродна Азоце» пасля атакі «Кіберпартызанаў»
Суд Еўрасаюза адхіліў пазоў «Гродна Азота» адносна санкцый