Rutenka: Z tenisistak na Alimpijadu jedzie tolki Azaranka
Aryna Sabalenka ŭ Paryž nie jedzie.
28.06.2024 / 07:42
Fota: Alberto Pecalli / AP
Staršynia Biełaruskaj tenisnaj fiederacyi Siarhiej Rutenka paćvierdziŭ, što treciaja rakietka śvietu Aryna Sabalenka nie voźmie ŭdziełu ŭ Alimpijskich hulniach u Paryžy. Zbornuju Biełarusi pa tenisie na Alimpijadzie pradstavić Viktoryja Azaranka, piša Priessboł.
U čaćvier na aficyjnym sajcie Mižnarodnaha alimpijskaha kamiteta (MAK) byŭ apublikavany śpis spartsmienaŭ, jakija atrymali niejtralny status dla ŭdziełu ŭ hulniach‑2024. U śpis uvajšli Sabalenka i Azaranka.
— Śpis bačyli, ad nas na siońnia jedzie tolki Vika Azaranka, Sabalenka nie jedzie, — skazaŭ Rutenka «Matč TV».
Viktoryja Azaranka na Alimpijadzie ŭ Łondanie vyjhrała zołata ŭ mikście z Maksimam Mirnym i bronzu ŭ indyvidualnym razradzie.
U lutym 2022 MAK rekamiendavaŭ spartovym fiederacyjam nie dapuskać rasijanaŭ i biełarusaŭ da ŭdziełu ŭ mižnarodnych turnirach. Paźniej rekamiendacyi byli źmiakčanyja, a ŭ śniežni 2023‑ha kiraŭnik MAK Tomas Bach zajaviŭ, što arhanizacyja dapuścić rasijskich i biełaruskich spartoŭcaŭ, jakija paśpiachova prajšli adbor, da letnich hulniaŭ‑2024 u indyvidualnym niejtralnym statusie. Atlety zmohuć vystupać u Paryžy bieź ściaha, himna i inšych nacyjanalnych simvałaŭ.
Alimpijskija hulni projduć z 26 lipienia pa 11 žniŭnia. Tenisny turnir projdzie na hruntavych kortach.
Aryna Sabalenka prapuścić Alimpijadu ŭ Paryžy
Čamu Aryna Sabalenka admoviłasia vystupić na Alimpijadzie ŭ Paryžy?
Sabalenka źniałasia z turniru ŭ Bierlinie z-za prablem sa zdaroŭjem
Žonka novaha bojfrenda Aryny Sabalenki padała na razvod
Aryna Sabalenka sprahnazavała, chto stanie čempijonam Jeŭropy pa futbole