Viciebskamu palitviaźniu, jaki atrymaŭ 3,5 hoda kałonii za kamientary, prydumali novy artykuł — za danaty
Ciapier Dźmitryju Zahałaŭcu pahražaje da piaci hod za «finansavańnie ekstremizma».
29.06.2024 / 11:33
Dźmitryj Zahałaviec. Fota ź jahonaj staronki Ukantakcie
Dźmitryj Zahałaviec — 41-hadovy ŭradženiec Viciebska. Miarkujučy pa sacsietkach, skončyŭ Instytut sučasnych viedaŭ imia Šyrokaha.
Viadoma, što ŭ pieršy raz jaho zatrymali ŭ studzieni 2023 za kamientary, jakich jon pakinuŭ bolš za try tysiačy. U pieršy raz jamu prysudzili try z pałovaj hady kałonii.
Ale 11 lipienia 2024 hoda nad im pačniecca novy sud pa novym artykule. Heta artykuł 361-2, «finansavańnie dziejnaści ekstremisckaha farmiravańnia». To-bok, jaho sudziać za achviaravańnie, zroblenaje jašče da maja 2021. Dźmitryju pahražaje da piaci hadoŭ kałonii.
Sudzić jaho buduć u Viciebskim abłasnym sudzie. Sudździa — Jaŭhien Burunoŭ, jaki vynies svoj pieršy prysud u 2011 hodzie, prysudziŭšy Siarhieju Kavalenku 3 hady chatniaj chimii za vyviešvańnie bieł-čyrvona-biełaha ściaha.
Pačynajecca sud nad bratam zasnavalnika EPAM. Jamu pahražaje da 15 hadoŭ
U Minsku maładoha lejtenanta sudziać za «raspusnyja dziejańni» ŭ adnosinach da padletka