Kandydat ad kryła refarmistaŭ abychodzić Džalili paśla padliku 14 młn hałasoŭ na vybarach prezidenta Irana
U Iranie maje prava hołasu 61 miljon vybarščykaŭ.
29.06.2024 / 10:17
Masud Piezieškijan. Fota: Vahid Salemi
Eks-ministr achovy zdaroŭja Masud Piezieškijan, jaki naležyć da kryła refarmistaŭ, vyrvaŭsia napierad i abyšoŭ kansiervatara Saida Džalili paśla padliku 14 młn hałasoŭ (usiaho 61 młn vybarščykaŭ) na daterminovych prezidenckich vybarach u Iranie. Pra heta raskazaŭ pradstaŭnik vybarčaha štaba Isłamskaj Respubliki Machsien Esłami, paviedamlaje TASS.
Jak jon zajaviŭ u efiry telekanała IRIB, paśla apracoŭki biuleteniaŭ z 37 tys. z 58 tys. vybarčych učastkaŭ Piezieškijan nabiraje 5,955 młn hałasoŭ, pradstaŭnik duchoŭnaha lidara Irana ŭ Vyšejšaj radzie nacyjanalnaj biaśpieki Respubliki Džalili — 5,56 młn.
Dla pieramohi kandydatu nieabchodna atrymać bolš za 50% hałasoŭ. U advarotnym vypadku 5 lipienia projdzie druhi tur, u jakim buduć udzielničać dva kandydaty, jakija nabrali najbolšuju kolkaść hałasoŭ u pieršym tury.
Prezident Isłamskaj Respubliki Ebrachim Raisi zahinuŭ 19 maja pry krušeńni viertalota ŭ pravincyi Uschodni Azierbajdžan.
Na prezidenckich vybarach u Iranie lidziruje kansiervatyŭny kandydat